लकडाउनकै समयमा पेट घटाउने हो ? यी ५ उपाय अपनाउनुहोस्

लकडाउनकै समयमा पेट घटाउने हो ?  यी ५ उपाय अपनाउनुहोस्

काठमाडौँ  -  बाहिर पुटुल्क निस्केको पेट घटाउन कसलाई मन नहोला र ? तर कामको ब्यस्तता तथा अनेकौं उल्झनले बढेको पेट घटाउने चाहना पुरा हुन पाउदैँन ।

अझै बाहिरको खानपानले आफूलाई फिट राख्न नसक्नेका लागि यो सुनौलो मौका हो । अहिले लकडाउनको बेला मौका छोपेर तपाईले आफ्नो वजन घटाउने चाहना पुरा गर्न सक्नुहुन्छ ।

लकडाउनको बेला घरभित्र रहदाँ बढेको पेट घटाउने सबैभन्दा उत्तम उपाय हो । लकडाउन वजन घटाउने चाहना राख्नेहरुका लागी सुनौलो मौका हो । यस मौकामा घरभित्रै तपाई निम्न अभ्यासबाट पेट घटाउन सक्नुहुनेछ ।

१. प्लैन्क

मानिसको शरीरमा सबैभन्दा बढि फ्याट पेटमा जम्मा भएको हुन्छ । यसप्रकारको फ्याट र बाहिर निस्केको पेट घटाउन प्लैन्क एक्सरसाइज सबैभन्दा उत्तम हुन्छ ।

२. रेगुलर क्रन्चेज

रेगुलर क्रन्चेज क्यालोरी बर्न गर्न सबैभन्दा उत्तम एक्सरसाइज मानिन्छ । यो क्रन्चेजको पोजिसनमा शरीरका कैयौं मांसपेशि एक साथ एक्टिभ हुने भएकाले फ्याट कम गराउन मद्दत गर्दछ ।

३. बाइसाइकल क्रन्चेज

ससर्ती हेर्दा बाइसाइकल क्रन्चेज सजिलो देखिए पनि गर्नमा भने यो निकै ग्राहो हुन्छ । यो एक्सरसाइज गर्दा शरीरमा निकै बल पुग्छ । जसले पेट र थाईमा जम्मा भएको बोसो कम गराउँछ ।

४. क्रन्च ट्विस्ट

क्रन्च ट्विस्ट एक्सरसाइज गर्दा पेटको साइडमा जम्मा भएको फ्याट कम हुन्छ । स्वास्थ्य विज्ञका अनुसार दैनिक तीन पटक भन्दा बढि क्रन्च ट्विस्ट गरेमा पेटको साइडमा भएको फ्याट कम हुन्छ ।

५ . भर्टिकल लेग क्रन्च

भर्टिकल लेग क्रन्च एक्सरसाइज गर्दा शरीरलाई ब्यालेन्स गराउँदै खुट्टा उठाइन्छ । दैनिक १० पटक यो एक्सरसाइज गरेमा पेटमा जम्मा भएको बोसो छिटोभन्दा छिटो घट्दछ ।

लकडाउनका दौरानमा शरीरमा भएको मोटोपना वा बोसो कम गर्न एक्सरसाइजका साथसाथै केहि डाइटहरुमा पनि ध्यान दिनुपर्दछ । यस अलावा आफ्नो जीवनशैलीमा समेत परिवर्तन गर्नुपर्दछ ।

१. एक्सरसाइज गर्दाको समयमा भुलेर पनि तारेको खाना खानुहुदैन ।

२.मोटोपना कम गर्ने सोच भएकाहरुले जंक फूड खानबाट बच्नु पर्दछ ।

३. खाना खाएपछि बस्ने वा सुत्नुको सट्टा आधा घण्टा सिढि तलमाथि गर्नुपर्दछ ।

४. भोक लाग्दा नखाई बस्नु भन्दा पटक पटक बरु कम खानु पर्दछ ।

५. अत्यधिक टिभि हेर्ने, मोवाइल चलाउने कामलाई बन्द गर्नपर्दछ ।