थुनुवा युवकमा कोरोना संक्रमण , जिल्ला प्रहरी कार्यालय बैतडी सिल

थुनुवा युवकमा कोरोना संक्रमण ,  जिल्ला प्रहरी कार्यालय बैतडी सिल

काठमाडौँ - सुदूरपश्चिम प्रदेशको बैतडीका कोरोना संक्रमित कर्तव्य ज्यान मुद्दाका थुनुवा रहेको खुलेको छ । जिल्ला प्रहरी कार्यालयले थुनुवालाई कोरोना भाइरसको संक्रमण पुष्टि गरेको छ ।

शिवनाथ गाउँपालिका-१ का २२ वर्षीय युवकमा कोरोना पोजेटिभ देखिएको जिल्ला प्रहरी कार्यालय बैतडीले जनाएको छ । बैतडीका डिएसपी डिल्लीनारायण पाण्डेले कर्तव्य ज्यान मुद्दामा पक्राउ परेका ती व्यक्तिको स्वाब संकलनगरी धनगढी पठाएको र रिपोर्ट पोजेटिभ आएको जानकारी दिनुभयो  ।

जिल्ला प्रहरी कार्यालय सिल गरेर संक्रमित व्यक्तिको सम्पर्कमा रहेकाको ट्रेसिङ सुरु गरेको पाण्डेले जानकारी दिनु भयो  । ती व्यक्ति चैत ६ गते नेपाल आएको र वैशाख १५ गते प्रहरीले पक्रेको थियो ।